Archive for the ‘Info Shkumbini’ Category

Ekipi i Shkumbinit per sezonin 2013-2014

Monday, December 2nd, 2013

Ky eshte ekipi i shkumbinit per sezonin 2013-2014

ks shkumbini

separator

JurgenVogli, një zbulim te peqinasit për mbrojtjen

Saturday, December 29th, 2012

jurgen vogli shkumbiniShkumbini në dy sezonet e fundit ka ndjekur një strategji të re. Në përbërje të ekipit janë afruar dhe aktivizuar një numër i madh futbollistësh të rinj vendës, të cilët kanë dalë nga ekipet zinxhir. Një prej tyre është edhe mbrojtësi shtatlartë Jurgen Vogli, i cili gjatë këtij sezoni ka qenë thuajse një titullar i pazëvendësueshëm i formacionit bardhekaltër. Në fillim ish-trajneri Gugash Magani, por edhe trajneri aktual, Kristaq Mile, i kanë besuar Voglit detyrën e qendërmbrojtësit, të cilën ai sipas specialistëve e ka kryer me sukses. Vetë futbollisti i ri peqinas e përkufizon paraqitjen e vet me atë çka ai tregon gjatë seancave stërvitore. “Në radhë të parë, më duhet të them se ndihem vërtet i kënaqur me vlerësimin dhe besimin që më kanë dhënë të dy trajnerët e skuadrës gjatë këtij sezoni dhe sigurisht falë udhëzimeve të tyre, unë mundohem që gjithmonë të bëj diçka më mirë në fushën e lojës. Gjatë këtij sezoni, jemi munduar të zhvillojmë një futboll korrekt dhe të denjë, pavarësisht se jo në të gjitha rastet kemi arritur të marrim atë që meritonim. Kjo mendoj se ka ardhur edhe për shkak të mungesës së eksperiencës, por në disa raste edhe fati ka qenë kundër. Sigurisht që duke parë renditjen nuk mund të jemi të kënaqur me paraqitjen tonë, ndaj në fazën e dytë duhet të ndryshojmë modul loje për të qenë sa më racionalë në fushë. Pa dyshim që duke afruar ndonjë lojtar cilësor, skuadra jonë do të kompletohej dhe do ta kishte më të lehtë realizimin e objektivit, që është mbijetesa në Superiore”, – ka përfunduar Vogli.
Fatmir Ahmeti

separator

Shkumbini, në kërkim të një bomberi kosovar

Saturday, December 29th, 2012

Drejtuesit e Shkumbinit vijojnë të jenë të fokusuar në merkato, duke studiuar me kujdes disa alternativa të mundshme, të cilat pritet që t’i afrohen ekipit në kuadrin e përforcimeve. Aktualisht, krerët bardhekaltër janë në kërkim të një bomberi, i cili do të plotësonte pikë së pari kërkesat që trajneri Kristaq Mile ka për repartin ofensiv. Pista më e afërt e merkatos është ajo në Kosovë, ku drejtuesit e klubit peqinas janë në bisedime për të marrë shërbimet e një sulmuesi kosovar që aktivizohet te skuadra e Prishtinës. Me të dhënat që ai ka, mund të jetë përforcimi i duhur për sulmin e Shkumbinit. Mirëpo edhe nëse pëlqehet nga stafi teknik, fjalën fundit e kanë drejtuesit e klubit peqinas, të cilët duhet të arrijnë më pas akordin financiar. Javë më parë ishte sulmuesi boshnjak, Altin Gërboviç, ai që u vetofrua për të ardhur në radhët bardhekaltër, por deri më tani ai nuk është kontaktuar nga drejtuesit.
Fatmir Ahmeti

separator

Te Shkumbini kërkohen lojtarë të lirë

Saturday, December 29th, 2012

Shkumbini e mbylli fazën e parë duke u renditur në vendin e 11-të në klasifikim, një pozicion i cili e dërgon skuadrën direkt në Kategorinë e Parë duke ditur që këtë sezon do të zbresin direkt katër ekipe. Në këto kushte, drejtuesit e klubit janë duke marrë masat për të përforcuar skuadrën në mënyrë që në fazën e dytë Shkumbini të bëjë një paraqitje më të mirë. Prej disa ditësh, drejtuesit peqinas janë aktivizuar në merkato dhe janë duke studiuar me kujdes të gjitha alternativat e mundshme që ofron jo vetëm kampionati, por edhe kampionatet fqinje. Për momentin konfirmohet se vijojnë bisedimet me një sulmues nga Kosova, i cili në fazën e parë është aktivizuar në radhët e skuadrës kryeqytetase të Prishtinës. Me shumë gjasa kjo pritet që të jetë edhe goditja e parë në merkato. Por gjithashtu, sipas burimeve që vijnë nga klubi, mësohet se peqinasit kanë vënë nën vëzhgim edhe disa elementë cilësorë nga skuadrat e Superiores, por fillimisht ata duan që lojtarët të jenë të lirë. Synimi i drejtuesve peqinas është që më parë këta futbollistë të mund të zgjidhin kontratat e tyre me skuadrat që janë aktivizuar.
Fatmir Ahmeti

separator

Mustafaji: Shkumbini është mësuar me vështirësi

Saturday, December 29th, 2012

Futbollistët e Shkumbinit po shijojnë disa ditë pushimi pranë familjeve të tyre, ndërsa sipas programit të klubit ata do të grumbullohen më 4 janar, kur do të nisin edhe minifazën përgatitore. Sulmuesi peqinas, Erjon Mustafaji, i cili në ndeshjet e fundit për kupë nuk u aktivizua për shkak të pezullimit nga Disiplina, shpreh bindjen se Shkumbini në fazën e dytë do të jetë krejt ndryshe dhe se do të arrijë që ta sigurojë mbijetesën në Superligë. “Në radhë të parë më duhet të them se vendimi i marrë ndaj meje ka qenë disi i ashpër, por megjithatë jam i detyruar të respektoj Komisionin e Disiplinës. Gjatë kësaj periudhe që nuk kam luajtur në ndeshjet e kupës, sigurisht që kam vijuar rregullisht me seancat stërvitore, duke ruajtur formën fizike. Dihet që na pret një fazë e dytë mjaft e vështirë. Personalisht mendoj se në fazën e parë nuk jemi paraqitur ashtu siç duhet dhe kjo është reflektuar në rezultatet që kemi marrë, teksa kemi gabuar shumë, sidomos në fushën tonë. Unë besoj se faza e dytë do të jetë krejt ndryshe dhe Shkumbini do të arrijë që ta thotë fjalën e tij, ashtu siç ka bërë gjithmonë në këto vitet e fundit. Në situata të tilla kemi qenë edhe më parë dhe falë këmbënguljes sonë, ia kemi arritur qëllimit për të shpëtuar sezonin. Jam i sigurt që me disa përforcime cilësore ne do të bëhemi më të fortë dhe do të luftojmë ndaj çdo kundërshtari. Madje në fazën e dytë do të synojmë që të thyejmë edhe tabunë transfertë”, ka thënë sulmuesi për “Panorama Sport”.
Fatmir Ahmeti

Burimi: http://www.panorama-sport.com/kategoria-superiore/mustafaji-shkumbini-eshte-mesuar-me-veshtiresi/#ixzz2GRDiRfyD

separator

Shkumbini – Luftetari 2-1 Rubrika Sportive (Video)

Thursday, December 6th, 2012

SHKUMBINI vs LUFTETARI 2-1 “Rubrika Sportive” 2.12.2012

separator

Nisin piketimet e para, Mile: Afrime me lojtarë cilesorë në çdo repart

Thursday, December 6th, 2012

Trajneri i Shkumbinit, Kristaq Mile, ka arritur fitoren e parë në krye të këtij ekipi.
Peqinasit kanë mposhtur një nga rivalët direkt në luftën për mbijetesë, Luftëtarin. Në një bisedë për “Panorama Sport”, teksa i bën skanerin kësaj sfide, ai është shprehur: “Në radhë të parë më duhet të them se fitorja e arritur ndaj Luftëtarit ka qenë mjaft e bukur, por shumë e vuajtur, për shkak se kundërshtari na ka vënë në vështirësi gjatë pjesës së parë. Megjithëse gjatë seancave stërvitore djemtë tregojnë një formë të mirë, duhet thënë se kur përballen në fushë me kundërshtarin emocionet shtohen, e kjo për shkak edhe të moshës së re që ata kanë. Gjithsesi, në pjesën e dytë ndaj Luftëtarit djemtë kanë treguar grintë e dëshirë për ta kthyer rezultatin, dhe ia kemi dalë mbanë falë golave të shënuar nga Lluca e Duka. Mendoj se kjo fitore na duhej me çdo kusht, pasi tashmë mund të punojmë të qetë deri në fillim të fazës së dytë”. Më tej, Mile tha se ndeshjet e kupës nuk mbeten prioritet për skuadrën që ai drejton. I pyetur në lidhje me përforcimet e mundshme që mund të bëhen në janar, u përgjigj: “Megjithëse është ende herët për të folur mbi këtë temë, unë do të thosha që edhe skuadra jonë pa dyshim ka nevojë për përforcime. Madje, do të bëjmë përforcime në çdo repart, duke parë se kemi nevojë për futbollistë që arrijnë të bëjnë diferencën në fushë. Nuk mendoj se është koha për të thënë emra, sepse siç e thashë është ende herët, por ne vijojmë të vëzhgojmë lojtarë, pra të piketojmë ata futbollistë që realisht mund t’i marrim në skuadër”.
Fatmir Ahmeti-Panoramasport

separator

Shkumbini merkato brenda dhe jasht vendit

Thursday, December 6th, 2012

Fundi i fazës së parë ka qenë pozitiv për Shkumbinin, teksa kanë arritur të mposhtin në fushën tyre Luftëtarin, me rezultatin 2-1.
Rikthimi i trajnerit Kristaq Mile në krye të peqinasve ka dhënë frytet e veta, pasi skuadra në tri takimet e zhvilluara nën drejtimin e tij ka marrë dy barazime dhe arritur një fitore, duke mos humbur asnjë ndeshje. E ndërsa faza e parë nuk ka qenë edhe aq pozitive, në pjesën tjetër e vetmja shpresë për drejtuesit peqinas po shihet mundësia e afrimit të elementëve cilësorë. Mile në bashkëpunim edhe me drejtuesit e lartë po piketon futbollistë jo vetëm nga kampionati ynë, por edhe nga të tjerat për t’i bërë ofertë në momentin e duhur. Aktualisht nuk ka asnjë emër konkret dhe kjo për arsye se edhe skuadra e tjera do të futen në merkato, ndaj dhe peqinasit kërkojnë që të bëjnë publike asgjë. Gjithsesi, ajo që dihet me siguri është fakti që klubi do të bëjë përforcime në çdo repart. Ndërkohë që shtyrja e takimit mes Shkumbinit dhe Skënderbeut në kuadër të kupës është parë si një vendim pozitiv, kjo edhe për faktin se fusha e stadiumit të Peqinit është rënduar disi. Gjithsesi, duhet thënë se kupa mbetet në plan të dytë për peqinasit, e cila thjesht do ta respektojë këtë kompeticion, por s’ka objektiva.
Fatmir Ahmeti/Panoramasport

separator

Lluca: Ne ndeshjen me Bylisin shpresojmë të kthehemi me pikë

Friday, November 9th, 2012

Edhe psë është mundur në Shkodër, me rezultatin minimal 2-1, Shkumbini ka kaluar në turin tjetër të Kupës së Shqipërisë. Eshtë një kualifikim, që i jep zemër skuadrës peqinase në këtë moment, kur ajo po kalon shumë vështirësi në kampionat. Autori i golit, që i dha kualifikimin Shkumbinit, Emiliano Lluca, për “Sportin shqiptar” shprehet:

“E arritëm objektivin që kishim në atë takim, kualifikimin për në turin tjetër. Në Shkodër shkuam pas fitores 1-0 në fushën tone dhe ishim të favorizuar. U futëm në fushë për të bërë lojën tonë dhe jo për të mbrojtur avantazhin e ndeshjes së parë. Normalisht, kishim si strategji kundërsulmin dhe ia arritëm qëllimit, duke shënuar me një të tillë.

Vllaznia nuk na vuri asnjëherë në vështirësi, pasi sulmet e saj nuk ishin të rrezikshme, por thjesht sporadike. Goli që shënuam na e bëri edhe më te lehtë kualifikimin, sepse më pas duhej të pësonim 3 gola, që të skualifikoheshim. Të mos harrojmë së luajtëm gati 20 minuta me një lojtar më pak, pas daljes me karton të kuq të Gavës.

Pësuam dy gola aksidentalë nga shpërqendrimi i mbrojtjes sonë, por gjithsesi objektivin e arritëm. Tani të kthejmë sytë nga kampionati, ku shpresoj të bëjmë kthesën në takimin e radhës. Në kampionat jemi në pozita të vështira, pasi në 9 javë kemi grumbulluar vetëm 7 pikë, që janë shumë pak për ekipin tonë. Kualifikimi në kupë shpresoj të jetë një ogur i mirë për skuadrën.

Në transfertën me Bylisin, që do të jetë një takim shumë i vështirë, besoj se mund të marrim rezultat pozitiv. Jemi shumë të motivuar në këtë moment për të dhënë më të mirën në fushë, pasi e kemi treguar edhe herë të tjera, që ndaj ekipeve të forta luajmë mirë. E gjithë vëmendja jonë është te ndeshja me Bylisin dhe shpresojmë të kthehemi me pikë nga ajo”. Pas kualifikimit në kupë, peqinasit shpresojnë të bëjnë kthesën edhe në kampionat, duke marrë pikë në Ballsh. Sportishqiptar

separator

Mustafaji kërkon kthesën në kampionat

Friday, November 9th, 2012

Shkumbini ka arritur të kualifikohet më tej në kompeticionin e kupës, pavarësisht se është mundur në takimin e dytë të zhvilluar në Shkodër përballë Vllaznisë. Për sulmuesin peqinas Erion Mustafaji, kualifikimi më tej në kupë duhet t’i shërbejë ekipit si një shtysë për të bërë kthesën edhe në ndeshjet e kampionatit, duke filluar nga sfida e radhës ndaj Bylisit. “Megjithëse kompeticioni i kupës nuk është në plan të parë për ne, shkuam në Shkodër për të zhvilluar një lojë korrekte. Mendoj se pavarësisht fitores së kundërshtarit, ne e merituam kualifikimin, çka shpresoj të na shërbejë më shumë në aspektin moral edhe për sfidat e kampionatit. Në fakt, në kampionat duhet të tregohemi më të kujdesshëm, pasi deri më tani kemi lënë shumë pikë, që duhen rikuperuar”. Sulmuesi peqinas, duke iu referuar kundërshtarit të radhës në kampionat, Bylisit, e ka të qartë vështirësinë e takimit, por shpreson te një rezultat pozitiv. “E kemi vlerësuar maksimalisht Bylisin dhe do të shkojmë për të treguar vlerat tona më të mira, pse jo për të kërkuar një rezultat pozitiv”.
Fatmir Ahmeti

separator

Ks Shkumbini Peqin is proudly powered by WordPress
Entries (RSS) and Comments (RSS).
Theme by Spanish Translation US.