DUKET SHUME QARTE QE KERKOJNE TE NA NDESHKOJNE PA PATUR ASNJE FAKT ,POR VETEM ME FABRIKIME DHE SHPIFJE!!!

Relacioni i gjyqtarit, Ditmar Jubica:

Rreth një orë para fillimit të ndeshjes kanë hyrë në dhomën e arbitrave 4 civilë, në këtë moment vëzhguesi i takimit, zoti Astrit Mema i ka thënë që të largohen nga ky ambient. Njëri nga ata i ka thënë që me këta çunat nuk kemi punë. Në këtë moment ka ndërhyrë  delegati i takimit, zoti Petrit Brahja, i cili iu ka treguar derën atyre. Njëri nga ata futet në tualet dhe aty dëgjohet një krismë.

Më pas ky person, duke bërtitur largohet nga ambientet tona. Gjatë zhvillimit të ndeshjes nuk kemi pasur asnjë shqetësim. Pas përfundimit të takimit, njëri nga ata persona ka sjellë një pistoletë për ta lënë aty, ndërsa delegati i ka thënë që ta marrë, pasi ai nuk është ekspert armësh. Pasi kemi lëshuar një deklaratë për policinë, jemi larguar njëkohësisht arbitrat, vëzhguesi dhe i deleguari i takimit…

Relacioni i vëzhguesit, Astrit Mema:

Ora 15:15: Të gjithë, delegat, vëzhgues, arbitra, ishim në dhomën e gjyqtarëve në stadium.

Ora 15:45: Ishim të pranishëm në dhomë, unë dhe gjyqtarët, duke u përgatitur për detyrën dhe në pritje për takimin e radhës. Befasisht hapet dera, hyjnë në dhomë zv.presidenti i Shkumbinit, Dash Sula, me katër persona civilë që e shoqëronin, ne nuk i njihnim. Ju kërkoj brenda mundësive të dalin jashtë, pasi nuk lejohet hyrja në dhomat e gjyqtarëve, por më kot, sepse Dashi filloi të shajë ekipin vlonjat me fjalë të pista dhe midis të tjerave thotë që nuk kanë për të ikur këtej pa fituar ne.

Duke replikuar me Dashin, një prej katër personave (kishte pulovër të baradhë dhe pak mjekër) më thotë: “Erdhe prapë ti maskara, s’ke për të ikur këtej me këmbët e tua.” Në këto çaste kur po replikoja me tona të larta me zotërinë, hyn delegati Brahja dhe ky iu kërkon të dalin jashtë, mbasi nuk lejohet.

Situata në këtë moment u tensionua më shumë, duke replikuar delegati me vëzhguesin me këta persona. Dashi përsëri shan me të njejtat fjalë ekipin vlonjat. Ju kërkojmë personave të dalin jashtë dhe të na lejojnë të bëjmë detyrën, përndryshe do marrim eprorët në telefon. Në këtë situatë tejet të ndezur, Dashi hyn në tualetin e dhomës, shkrep pistoletën dhe mbas këtij veprimi që të gjithë dalin nga dhoma.

Në këtë situatë të rënduar dhe aspak normale mundohemi të qetësojmë gjyqtarët. Mesazhi i gjithë asaj sjellje që bënë ishte i qartë, megjithëse nuk u shprehën me fjalë, Shkumbini duhet të fitojë me të gjitha format.

Duhet të ve në dukje se tek dera e dhomës së gjyqtarëve ishin tre policë, të cilët nuk u treguan të gatshëm për të mos lejuar personat të hynin në dhomë. Nga fundi i pjesës së parë vijnë forca policie të tjera nga Tirana, të shoqëruar nga drejtori i tyre. Tani siguria ishte më e lartë, nuk kishim më frikë se çfarë mund të ndodhte.

Në fund të takimit punonjësit e policisë ishin në dhomën tonë duke u interesuar për atë çfarë kishte ndodhur. Në këtë moment nga dritarja e dhomës Dash Sula sjell një pistoletë, të cilën e mori policia. Këta na sqaruan se nuk ishte e rrezikshme për jetën, vetëm bën zhurmë. Gjithashtu, punonjësit e policisë na kërkuan të bëjnë denoncim por nuk pranuam, pasi ne kemi për detyrë të raportojmë vetëm tek Federata Shqiptare e Futbollit.

Min e 2: Tifozat vendas hedhin tymuese në fushë, loja ndërpritet për 1 min.

Min e 3: Tribuna përballë, tre metra vijës anësore ishte vendosur një kuti që shkrepte fishekzjarre shumë të zhurmshme, duke penguar zhvillimin normal të lojës për 30 sek., pasi nuk dëgjohej bilbili.

Min e 80: Nga porta që mbronte portieri vendas larguan fëmijët dhe dërguan një punëtor të instruktuar për të vonuar lojën, ne e nxorrëm jashtë.

Min e 83: Nga porta vlonjate u hiqet topi fëmijëve pas portës, me të vetmin qëllim për të vonuar lojën.

Në përfundim të takimit rreth orës 19:45 largohemi qetësisht, të shoqëruar nga policia dhe drejtori, të ardhur nga Tirana, të cilët i respektoj maksimalisht për ndihmën që na dhanë.

SHUME KONTRADITA KA NE RELACIONE :

• Se pari dicka per  Top Channel si zbulues i “se vertetes” ne leter. Letrat lexohen ne gazete, ndersa ne televizion prisnim te shihnim te filmuar Sulen duke shtene me arme. Nuk kemi pare gje , kesaj radhe s’ka zbuluar (akoma) asgje.
• Se dyti, ne raportin e Jubices permenden vetem kater vete, ndersa ne ate te Memes kater vete dhe Sula. Valle s’e ka njohur Jubica Sulen qe s’e ka permendur? Dhe a ka ditur t’i numeroje personat? Se nese i dyit flet per 5 vete bashke me Sulen, i pari flet vetem per 4 persona.
• Se treti, Jubica thote “ne tualet u degjua nje krisme” (c’krisme te kete qene valle? E zakonshme, apo e pazakonshme per nje krisme tualeti?). Sipas tij, ka shteni njeri nga ata te katert. Kurse sipas Memes, ne tualet shkoi Sula.
• Se katerti, sipas Jubices, dikush erdhi dhe solli nje arme per ta dorezuar. Sipas Memes, ky person ishte Sula, qe paskesh sqaruar edhe se nuk eshte arme, por “zhurmuese”. Pse duhet te vije Sula te dorezoje armen pa ia kerkuar kush? Qe ta nxjerrin ne gazete?
• Dhe se fundi, shume qarte duket ,se po duan t’i sajojne nje mashtrim dhe shpifje.

Hasan Lika (Teuta)

“Titulli kampion në tre javët e ardhshme do të diskutohet mes Teutës dhe Skënderbeut, i ndan vetëm një pikë ndaj kush gabon më pak do jetë dhe fitues i kampionatit.

Tirana e ka siguruar tashmë një vend në Kupat e Europës e pozicionuar e treta, ndërsa Flamurtari dhe Kastrioti do të luftojnë për pozicionin e katërt. Do të ketë një rivalitet mes tyre, ndoshta shoh paksa më të favorizuar Flamurtarin.

Në zonën e plejautit janë shumë skuadra që mund të rrezikojnë, duke nisur nga Bylisi, që pozicionohet i gjashti deri tek Pogradeci i vendit të 12-të. Por Kamzën dhe Pogradecin i shoh si skuadrat më të rrezikuara, pasi kanë më pak pikë dhe kanë një short të vështirë.

Së fundi, Apolonia dhe Dinamo kanë qenë skuadrat që kanë mbajtur pozicionet e fundit pothuajse gjatë gjithë kampionatit; do t’i duhen mrekulli për t’i shpëtuar rënies direkte”.

Hulian Rubio (Tirana)

“Për mendimin tim, situata në renditje nuk do të ndryshojë deri në përfundim të sezonit. Nuk mund të flas më tepër duke dhënë parashikime, pasi pozicioni që kam nuk ma lejon këtë”, ka deklaruar shkurtimisht spanjolli që drejton Tiranën.

Në fakt, një pjesë të përgjigjes së tij për verdiktet e sezonit, Rubio e dha që pas takimit me Dinamon, ku la të nënkuptohet se Tirana e tij ishte tashmë jashtë luftës për titull. Mbetet për të pritur tri javët e Teutës e Skënderbeut, ndonëse për spanjollin, korçarët do të jenë fitues.

Me këtë logjikë, do të jetë Flamurtari dhe jo Kastrioti në Eruropa Legua, çka automatikisht çon në rrëzimin e Dinamos, ngaqë blutë kanë “match-point”-in e parë të dielën pikërisht në Vlorë. Dhe duke qenë se po këtë ditë luhet Pogradeci-Apolonia, edhe fierakët mund të konsiderohen të larguar”.

Shkëlqim Muça (Flamurtari)

“Për titullin kampion mendoj se do të ketë garë deri në fund midis Skënderbeut, Teutës dhe Tiranës. Avantazhi i korçarëve me një pikë nuk është absolut, ndaj mund të pritet të vijojnë rokadat e deritanishme. Për Europa League, diçka është më e qartë: Skënderbeu dhe Tirana e kanë siguruar këtë të drejtë, qoftë si vende, por edhe për faktin se janë në finale të Kupës dhe njëra e fiton prej këtej, por dhe vendi i dytë që për momentin është Teuta. Mendoj që skuadër e tretë të jetë Flamurtari.

Vetë ngjeshja që ka në klasifikim një grup me shumë skuadra bën të themi se duhen pritur së paku dhe rezultatet e dy javëve të ardhshme për të folur më konkretisht për ato që do të shkojnë në ndeshjet shtesë. Dhe duke qenë se këtu mund të ketë lëvizje, e njëjta logjikë, pra pritja e dy javëve, vlen edhe për ato skuadra që do të bien direkt, pavarësisht se është një treshe momentalisht”.

Andrea Marko (Kastrioti)

“Ndalesa e Teutës i ka dhënë një shans të madh Skënderbeut, ndonëse nuk e shoh të përfunduar luftën për titull. Kjo sepse në tri javët e fundit, do të kenë përballje me skuadra që mund të kenë problematika të mprehta.

Në Europa League, përveç Teutës e Tiranës, është në lojë Flamurtari dhe skuadra që drejtoj. Rezervohem të flas, por është e detyrueshme të them se ne kemi shanse më të mëdha. Edhe ngaqë vijmë nga kahe të kundërta: ne nga fitorja në Peqin e ata nga humbja në Berat. Në zonën plejaut ka shumë ekuacione, por mendoj se më të rrezikuarat janë Shkumbini, Tomori, Kamza dhe pa dyshim Pogradeci. Me kampionatin që kanë bërë, nuk ke si paragjykon Vllazninë, apo dhe Bylisin, në këtë pozitë. Kjo do të thotë që për të rënë direkt janë Dinamo e Apolonia, ndonëse duhet pritur kjo e dielë që mund ta sqarojë shumë gjëra. Dinamo laun në Vlorë dhe prej këtej mund të zgjidhen shumë enigma”.

Armir Grima (Vllaznia)

“Përveç ekipit të Tomorit, që mund të sjellë ndryshime në ekipet e plejofit e ato që bien direkt, mendoj se ky kampionat do të mbyllet ashtu siç është aktualisht renditja. Kështu, Skënderbeu dhe Teuta janë ende në garë, por me gabimin e durrsakëve, korçarët janë favoritë për të dalë kampion. Besoj se dhe vetë tiranasit do të kenë hequr dorë, pasi do t’ju duhet të presin gabime dyshe që vështirë të ndodhin.

Përsa i përket zonës së Europës, skuadrat që mbajnë aktualisht vendet 1-4 nuk besoj se do të kenë ndryshime, sidmos kur flitet për pozicionin e fundit, atë 4, pasi tre të tjerët duken të pakapshëm. Ndërkohë që për të rënë nga kategoria nuk besoj se do të ketë shumë dilema. Këtu vetëm pozicioni në tabelë dhe matematika ma do të them se Vllaznia nuk ka të bëjë fare me këtë, ndërsa për dyshen që do të bjerë nuk pres mrekullira. Pra, në tërësi, unë i besoj klasifikimit”.

Naxhi Shensoi (Bylisi)

“Në radhë të parë, dua të vlerësoj formulën e zgjedhur që mban në garë të gjithë ekiupet edhe tri javë para përfunimit. Për titullin nuk preferoj të flas, për arsyen e thjeshtë se presim Skënderbeun këtë të diel. Në përfgjithësi mjaftohem të them se të tre ekipet kanë shanset e tyre. Për të zgjedhur mes Flamurtarit e Kastriotit, duhet pranuar fillimisht se të dy skuadrat kanë patur një trend devijues, pra nuk kanë qenë të qëndrueshme. Sidoqoftë, shoh të avantazhuar Flamurtarin. Për rënien: Dinamo i ka rritur shanset dhe mund të përfitojë nga përplasja direkte mes Pogradecit e Apolonisë, gjithnjë nëse ka sukses edhe në Vlorë.

E lashë për në fund plejautin, sepse është zona ku jemi dhe ne. Natyrisht nuk pranoj kurrsesi që të kemi ndeshje shtesë, pasi kemi zhvilluar një kampionat të mirë dhe që ndoshta kemi merituar më shumë”.

Përparim Daiu (Laçi)

Titullin kampion do ta fitojë Skënderbeu, pasi edhe pse është një pikë para kundërshtarit, do të dijë ta ruajë atë deri në fund. Përfitoi nga ndeshja jonë, por dua të theksoj edhe një herë që ajo fitore shërbeu për ne dhe jo për Korçën. Përsa i përket skuadrave që do të luajnë në Kupat e Europës besoj që, ashtu siç është renditja provizore, ashtu do të jetë edhe në fund të Kampionatit. Ekipet nuk mund të bëjnë çudira tani në fund të sezonit dhe Teuta, së bashku me Tiranën e Flamurtarin do të luajnë në Europë.

Fundi i tabelës është disi më i komplikuar. Ekipet që do të zhvillojnë një ndeshje shtesë, mendoj që do të jenë Pogradeci, Kamza dhe Tomori. Kampionati që kanë zhvilluar këto skuadra i shkon për shtat pozicionit të tyre, ndërsa ekipet që do të bien direkt nga kategoria do të jenë Apolonia dhe Dinamo. Tabela e klasifikimit nuk mund të ndryshojë lehtë në këto tri javë pasi gjithkush kërkon të ruajë veten”.

Kristaq Mile (Shkumbini)

“Nuk kam as dyshimin më të vogël se Skënderbeu mund të gabojë në këto tri javë të mbetura, kështu që e shoh që tani kampion. Jo vetëm për kalendarin, por se në tërësi korçarët kanë bërë një kampionat më të plotë dhe janë më bindës në ecurinë e tyre.

Përsa i takon pjesëmarrjes në Europa League, edhe pse Kastrioti mori tri pikë të çmuara ndaj nesh në fushën tonë, shanset mbesin sërish te Flamurtari, përveç Teutës e Tiranës. Këtë e them ngaqë mendoj se krutanët, me kontigjentin që kanë patur, duhet të kishin qenë më të qëndrueshëm në lojëra e rezultate.

E ngatërruar puna për ndeshjen shtesë, pasi ka ngjeshje por sidoqoftë dua të përjashtoj Vllazninë nga kjo “mesele”. Ndërsa për rënien direkte shoh vështirësi për Dinamon e ndoshta-ndoshta edhe për Apoloninë, duke qenë se ndeshjen vendimtare do ta luajë pikërisht në Pogradec”.

Ernest Gjoka (Tomori)

Them se, pa asnjë diskutim do të jetë Skënderbeu kampione e vendit. Ka një skuadër të formuar me futbollistë tejet cilësorë dhe me përvojë kampionësh, e favorizon edhe kalendari në tre javët e mbetura, pavarësisht emocioneve që do të ketë gara. Për Europa League jam i bindur se asgjë nuk do të ndryshojë nga sa flet renditja aktuale, Tirana, Flamurtari dhe Teuta. Tek skuadrat që do të diskutojnë plejofin, ju deklaroj me përgjegjësi se do të jenë Kamza dhe Pogradeci, ndërsa e treta, kushdo tjetër përveç Tomorit. Këtë nuk e them thjesht se jam në krye të kësaj skuadre, por sepse me ato skuadra që ka “përreth”, Tomori nuk duhet të diskutojë qëndrimin. Për skuadrat që do të zbresin direkt nga kategoria, s’kam as dyshimin më të vogël që ato do të jenë Dinamo dhe Apolonia. Keqardhje të sinqertë për këto dy skuadra tepër të njohura në futbollin tonë, por ecuria e tyre në kampionat çon në këtë përfundim”.

Mauro De Vekis (Kamza)

“Skënderbeu ka skuadrën më të fortë të kampionatit. Mendoj se do të fitojnë trendeshjet e fundit dhe do të rikonfirmohen kampionë të Shqipërisë. Është një skuadër e kompletuar dhe e kanë merituar vendin e parë në klasifikim. Ndërkohë që Teuta dhe Tirana janë skuadra shumë të mira që bëjnë një lojë të bukur, por dobësia e tyre e vetme është se mbështeten më shumë tek individualitetet.

Flamurtari mjaft mirë mund të ishte duke luftuar me Skënderbeun për titull. Kanë një skuadër të fortë dhe meritojnë të hyjnë në Kupat e Europës.

Në zonën plejaut dhe rënies direkte, ku ndodhet dhe skuadra e Kamzës, gjërat janë ende të hapura. Mendoj se ne dhe Tomori kemi ende shanse për të shpëtuar pa ndeshje shtesë.Për rënien direkte mendoj se Apolonia është më e fortë se skuadra e Pogradecit. Nëse të dyja skuadrat dalin barazim këtë javë, Dinamo ka ende shpresa për të shpëtuar”.

Ylli Çekiçi (Pogradeci)

“Me shansin e humbur në ndeshjen e fundit kundër Laçit, ekipi i Teutës është jashtë lufte dhe besoj që tashmë Skënderbeu nuk mund ta lërë t’i ikë përduarsh titulli kampion. Në këtë logjikë, Tirana mund të konsiderohet jashtë. Për zonën Europiane mendoj se Kastrioti i ka të gjitha mundësitë për të kaluar, jo vetëm nga fitorja e fundit dhe “dështimi” i Flamurtarit, por edhe sepse kalendari e favorizon. Për zonën plejaut, dyshimi i vetëm është midis Pogradecit dhe Apolonisë dhe besoj se kjo do të qartësohet të dielën, në duelin direkt që kemi me ta. Nuk nxitohem, por natyrisht i besoj skuadrës sime. Bashkë me ne, besoj se do të jetë Kamza me Tomorin, që do të plotësojnë treshen e plejautit. Për rënien direkte, unë jam i bindur që do të jetë Apolonia me Dinamon ekipet që do të zbresin një kategori më poshtë. Më saktë, Dinamo është e rënë, pavarësisht tolerimeve që mund t’i bëhen në këto 3 takime të mbetura”.

Dhimitër Papuçiu (Apolonia)

“Po e nis nga fundi: Apolonia do të jetë në plejaut. Kjo do të thotë se ne do ta kemi ndeshje të jetës, këtë të së dielës në Pogradec dhe do të jenë këta të fundit dhe Dinamo që do të bien”.

Nuk dua të bëj hipokritin: e shoh Skënderbeun kampion, ndoshta edhe ngaqë gjykoj se e ka merituar si skuadër me kontigjent më të plotë e me organizim shumë më të mirë. Po kështu, nuk kam dilema për skuadrën e tretë të Europa Leagues:do të jetë Flamurtari, para Kastriotit. Kjo edhe ngaqë mendoj se Flamurtari mund të kishte shkuar shumë më lart, nëse do të kish eliminuar zigzaget e panevojshme.

Në zonën plejaut parashikoj përmbysje të mëdha, që fillojnë nga futja e skuadrës sonë në këtë zonë. Për të tjerët s’mund të flas e ndoshta është më mirë të mos e bëj këtë në këtë koment”.

Artan Mërgjyshi (Dinamo)

“Për titullin kampion, duke u nisur nga shprehja që “të shkojë haka te i zoti”, mendoj se i takon Skënderbeut. Sigurisht që edhe kandidaturat e tjera si Teuta, apo Tirana, mund të ishin prezente, por për mua, në tërësi e nga të gjithë komponentët, e meriton skuadra korçare.

Sipas logjikës së gjërave, bashkë me treshen e parë (njëra për Champions), në Eurpa League i takon Flamurtarit, por me dëshirën time do të kisha qejf që të ishte Kastrioti. Është një skuadër krejt ndryshe nga sezonet e shkuar dhe se përgjithësisht ka bërë një sezon, përfshi edhe Kupën, që meritonte diçka më shumë. Për zonën plejaut mendoj se do të jenë Dinamo, Tomori dhe Kamza. Kurse për rënien direkte, edhe pse më vjen keq, jam i mendimit që i takon Pogradecit dhe Apolonisë. E kuptoj reagimin e të tjerëve, por fitorja në derbin me Tiranën, përveç pikëve, na ka dhënë edhe moral për më tej. Do të luftojmë deri në fund për këtë”.

Rritet numri i skuadrave, por bie cilësia. Flamurtari është skuadra më e shtrenjtë. Dinamo thuajse e shpërbërë, mbyll klasifikimin

Kategoria Superiore vazhdon të humbasë shkëlqimin. Përveç shtyrjes së kampionatit, që erdhi për shkak të moslicencimit të 9 klubeve dhe 3 stadiumeve, kriza është e dukshme te financat. Në harkun e 7 muajve, ose më saktësisht nga merkatoja e janarit deri në merkaton e verës, vlera e aktivitetit elitar të futbollit në Shqipëri është përgjysmuar. Shifrat flasin qartë: nëse në janar 2011 vlera e Superiores përllogaritej në 52 milionë e 150 mijë euro, tashmë ajo ka zbritur në afro 28 milionë e 100 mijë euro (24 milionë e 900 mijë sterlina). Këtë e tregon faqja e specializuar e financave në botën e futbollit, “transfermarkt”.

Edhe pse për sezonin 2011-2012 numri i skuadrave është rritur në 14 (nga 12 që konkurronin gjatë sezonit të kaluar), cilësia ka rënë në mënyrë të dukshme. Klubet shqiptare janë në një krizë të dukshme financiare, dhe kjo dallohet lehtësisht, mbi të gjitha te disa prej emrave më të rëndësishëm si Dinamo apo Vllaznia.

Në rënien e vlerës së Superiores ka ndikuar mbi të gjitha “dobësimi” i kontingjentit të skuadrave pretendente. Aktualisht, ekipi më i kushtueshëm i kampionatit është Flamurtari. Vlera e talenteve vlonjate dhe blerjet e goditura të klubit kanë bërë që në letër kuqezinjtë të jenë sërish pretendentë për titullin. Me afrimet e Hysës, Abraham, Shtubinës e Arbërit, kur kanë mbetur edhe 10 ditë nga mbyllja e merkatos, vlera e Flamurtarit përllogaritet në afro 3 milionë e 450 mijë euro.

Pavarësisht merkatos bombastike dhe blerjeve të mëdha, korçarët renditen të dytët. Me afrimin e Ivan Gvozdenoviç -  në merkato mbrojtësi serb kushton afro 150 mijë euro – vlera e ekipit korçar u ngjit në 3 milionë e 275 mijë euro. Nëse, ashtu siç është parashikuar, realizohet edhe një blerje cilësore, skuadra e Duros do t’ia marrë stafetën Flamurtarit. Megjithatë, duhet theksuar se në krahasim me shtatë muaj më parë, vlera e Skënderbeut është përgjysmuar: me ndërhyrjet e fuqishme të presidentit Zeqo, në janar skuadra kushtonte rreth 6 milionë euro.

Largimet e shumta kanë sjellë edhe përgjysmimin e vlerës së Tiranës. Lojtarët bardheblu të marrë së bashku në merkato kushtojnë 2 milionë e 475 mijë euro dhe aktualisht 24 herë kampionët e Shqipërisë renditen të tretët mes ekipeve më të kushtueshme në Superiore. Gjithsesi, në Superkupë ata treguan në fushë se pretendojnë titullin.

Në mënyrë surprizë, në vendin e katërt dhe të pestë janë Kastrioti (2 milionë e 475 mijë euro) dhe Kamza (2 milionë e 450 mijë euro). Me largimin e presidentit Fushaj dhe disa lojtarëve, vlera e Vllaznisë ka rënë nën 2 milionë euro, ndërsa pas saj vijnë Tomori (1.8 milionë), Bylisi (1.7), Shkumbini (1.7), Laçi (1.6), Pogradeci (1.5), Apolonia (925 mijë euro) dhe në fund renditet Dinamo me pak mijëra euro, duke vlerësuar vetëm talentet e akademisë, pasi blutë nuk kanë më lojtarë

Futbolli shqiptar ka rrezikuar mbrëmë të prodhonte një “Vaterlo” të vërtetë në Korçë, aty ku u ra dakord të luhej Superkupa e Shqipërisë, pas një dakordësie mes drejtuesve të dy klubeve, që do ta diskutonin këtë trofe, Skënderbeut dhe Tiranës. Sepse gurët që kanë fluturuar mbi kokat e dy tifozërive, por edhe mbi kokat e futbollistëve në fushën e lojës, në minutën e 8-të të ndeshjes, jo vetëm kanë ndërprerë lojën për 20 minuta, pas nisjes së saj me 1 orë vonesë, por kanë rrezikuar jetën e të pranishmëve. Nuk kanë munguar edhe prej atyre, që me kokën të çarë janë parë të futen në ambulancat që gjendeshin në stadium e të përfundonin në spital.

Organizim skandaloz Gjithçka ka nisur nga organizimi skandaloz, i pashembullt për tërë stadiumet e botës, ku dy tifozëritë respektive duhej të hynin në të njëjtën derë stadiumi. Aty ku ishte instaluar një pajisje e posaçme nga klubi korçar, ku tifozët duhej të kalonin duke çekuar edhe biletat e tyre. Kjo ka sjellë edhe acarimin e tifozërisë bardheblu, së cilës nuk i ka rënë radha të hynte në stadium deri në orën 20:00, kur ishte planifikuar të niste Superkupa. Nga ana tjetër, në këtë kohë, pjesa më e madhe e tifozërisë vendase kishte zënë vend në stadium.

Kur kanë nisur të hyjnë tifozët bardheblu, që duhej të kalonin nëpër turmën e kolëgeve korçarë, kanë nisur edhe përplasjet e para. Kjo ka bërë që të ndërpritet hyrja e tifozëve miq në stadium, të dilnin jashtë edhe ata që e kishin kaluar pengesën çekuese, me kërkesën e policisë, e cila nuk garantonte dot qetësinë dhe rregullin në shkallët e stadiumit, teksa dy palët duhej të rrinin ngjitur me njëra-tjetrën, në tribunat C, përkarshi, të ndarë vetëm me një kordon policor.

1 orë vonesë Ndërkohë, ora e fillimit të ndeshjes, 20:00, kishte kaluar. Futbollistët e të dyja skuadrave kishin dalë në fushën e blertë, bashkë me gjyqtarët, por bardheblutë nuk pranonin ta vazhdonin lojën pa hyrë tifozët e tyre në stadium. Kjo e fundit ka qenë e pamundur, jo vetëm se kishin mbetur jashtë deri në ato momente, por sepse policia dhe drejtuesit e të dy klubeve, për të evituar përplasjen mes tyre, vendosën që kryeqytetasit të rrinin në pjesën pas portës, në trubunën E, në anën veriore të qytetit.

Kjo gjë nuk është pranuar kategorikisht nga tifozët bardheblu, të cilët me biletat në duar, të blera për në tribunën C, kanë ngulmuar të shkojnë në vendet e prenotuara prej tyre. Që i binte të rrinin krah për krah me tifozërinë vendase, por ishte e pamundur. Më kot janë munduar dy presidentët respektivë, Agim Zeqo i Skënderbeut dhe Refik Halili i Tiranës, t’i bindin tifozët kryeqytetas të hyjnë në stadium dhe të vendosen pas portës, mision i cili ka zgjatur jo pak, por plot 60 minuta. Duke i prirë presidenti Agim Zeqo, në orën 21.00 kanë nisur të hyjnë tifozët e parë të Tiranës, aty ku propozoi policia, pas porte.

Rregullorja Më herët, në orën 20:30, gjyqtari Enea Jorgji ka thirrur në hollin e stadiumit kapitenët e të dyja skuadrave, bashkë me dy presidentët respektivë, të cilëve u ka bërë me dije rregulloren, se pritja për të nisur loja është 45 minuta, në të kundërt ndeshja pezullohet. Në fakt, ky limit kohor është tejkaluar, sepse loja ka filluar fiks 1 orë pas planifikimit zyrtar, por për këtë gjë kanë rënë dakord Zeqo dhe Halili, në prani edhe të zyrtarëve të FSHF-së. Pikërisht në orën 21:00 ka rënë edhe bilbili i kryesorit Enea Jorgji për ta nisur këtë sfidë, që nuk mbante më erë futboll, por “përdhunim” të kësaj loje, nëpërkëmbje të tifozëve të Tiranës.

Të cilëve, pasi u ra shorti i keq për ta luajtur ndeshjen në fushën e kundërshtarit, në Korçë, me bekimin paraprak të drejtuesve të klubit bardheblu për të ndjekur këtë procedurë ekstra për vendin e zhvillimit të Superkupës, nuk iu mundësua hyrja në stadium, aty ku kishin blerë edhe biletat.

8 minuta lojë Të ndier të fyer e të poshtëruar, ultrasit bardheblu, me të hyrë në tribunën E, pas portës, në anën veriore të qytetit, kur kronometri i lojës shënonte minutën e 8-të, kanë hedhur tymuese në fushën e lojës, që dukej se mbanin edhe njëlloj përqindjeje gazi lotsjellës, e deklaruar edhe nga policia. Kjo, për faktin se tymi ka krijuar vështirësi në shikim dhe lotim sysh tek të pranishmit, çka ka krijuar më tej terren për të precipituar situata edhe më keq.

Kaq ka mjaftuar që të nisin të hedhen edhe sendet e para të forta në stadium, që dukej sikur vinin nga jashtë stadiumit, aty ku kishte mbetur pjesa më e madhe e tifozërisë bardheblu, e cila prej më shumë se 1 ore luftonte për ta parë ndeshjen sipas parashikimit, sipas vendit të fiksuar në biletë. Më pas ka pasur edhe disa tifozë korçarë, nga pjesa pas portës, në drejtimin jugor të qytetit, që kanë kapërcyer rrethimin e fushës së lojës, kanë hyrë në tapetin e blertë dhe kanë tentuar të sulmojnë futbollistët miq, madje duke gjuajtur drejt tyre me gurë.

20 minuta ndërprerje Për 20 minuta nuk është marrë vesh më se çfarë ndodhte brenda stadiumit, në fushën e lojës, por edhe jashtë, ku forcat e rendit e kanë pasur tepër të vështirë të rivendosnin rregullin. U duk se pas këtij momenti nuk do të bëhej fjalë më për futboll, as për vazhdimin e ndeshjes së Superkupës, por zyrtarët e FSHF-së, që kishin shkuar si në dasmë, në fakt, duke ia besuar gjithçka, sa i takon organizimit, klubit vendës, kanë urdhëruar që “përdhunimi” i futbolli të konsumohej i plotë.

Gjithçka ka ndodhur në sytë e të gjithë shqiptarëve, të fiksuar para ekranit të televizorit, me shpresën se do të ishin dëshmitarë të një starti ndryshe të edicionit të ri të futbollit shqiptar, por kanë shijuar një shfaqje të shëmtuar, që ka rrezikuar të degjenerojë në një betejë të pakontrollueshme dhune, duke rrezikuar jetën e të pranishmëve në impiantin sportiv të Korçës. Se për çfarë loje mund të flitej më pas gjithçkaje që kishte ndodhur, pas 1 ore mosfillim të ndeshjes, sipas planifikimit, ndërsa futbollistët kishin dalë në tapetin e blertë, pas gurëve që vërshuan mbi kokat e tifozëve dhe të lojtarëve në fushë, këtë mund ta thonë vetëm autorët e këtij turpi të madh, organizatorët e Superkupës, drejtuesit e FSHF-së. Atyre u doli për hundësh fakti që lejuan kompromise të tilla mes klubeve, në kurriz të zhvillimit të ndeshjes në fushë asnjanëse, ku t’u mundësohej ndjekja e lojës të dyja tifozërive respektive.

Vetëgjyqësia Në këtë histori, sikurse e thamë edhe më lart, “i përdhunuar” ka dalë futbolli, të nëpërkëmbur, por si për ironi të fatit me trofeun e Superkupës, kanë dalë tifozët e Tiranës. Këta të fundit, përveçse kishin bërë kilometra të tëra për të shkuar në Korçë, përveçse kishin blerë biletat për ta parë ndeshjen në tribunat përkarshi, me të njëjtat kushte si tifozët vendas, janë detyruar ta kthejnë gjithçka në një lloj vetëgjyqësie. Falë së cilës është ndërprerë pas 8 minutash loja, atëherë kur s’kanë mbajtur më nervat e kryeqytetasve, të atyre brenda stadiumit dhe të të tjerëve jashtë tij, që kanë provokuar pastaj incidentet që i panë të gjithë dhe që s’kanë të bëjnë kurrsesi me moralin dhe misionin e futbollit.

Tifozë të plagosur në spital, policia mban të izoluar bardheblutë

Në momentin që tifozët e Tiranës kanë filluar të hedhin fishekzjarre dhe tymuese, por edhe të godasin me sende të forta, policia i ka nxjerrë të gjithë jashtë stadiumit. Duke evituar kështu konfrontimin mes dy tifozërive, kur situata ishte jashtëzakonisht e tensionuar. Ka pasur mes tyre që kanë përfunduar edhe në spital, të goditur nga sendet e forta, ose me problem nga tymi lotsjellës, që vetë hodhën në stadium. Gjashtë tifozë të Tiranës, pasi kanë marrë ndihmën mjekësore në spital, janë bashkuar me pjesën tjetër të mbështetësve bardheblu, ndërsa një tifoz vendës është shtruar në gjendje të rëndë. Gjatë tërë kohës që ndeshja po zhvillohej, tifozëria bardheblu është mbajtur e izoluar në një vend rreth 500 metra larg stadiumit nga forcat e rendit, me qëllim që të mos rikthehej situata e mëparshme.

Tirana kontestoi gjyqtarët e ndeshjes

Problemet kanë nisur disa orë para se të niste ndeshja. Drejtuesit e Tiranës, veçanërisht shefi i klubit, Rauf Dimraj, ka qenë kundër treshes së gjyqtarëve, që ka caktuar komisioni i caktimit të arbitrave (kryesohet nga Tahir Kastrati). Enea Jorgji dhe ndihmësi i tij Gëzim Koka, sipas drejtuesve bardheblu, janë bërë protagonistë në ndeshjet e kampionatit të kaluar, pikërisht në ndeshjen Tirana-Skënderbeu, në “Qemal Stafa”, që u fitua 1-0 nga korçarët, me anë të një 11-metërshi. Pas diskutimeve të gjata, klubi kryeqytetas e ka pranuar këtë treshe.

FSHF përgjegjëse, organizatorja e Superkupës

Në bazë të rregullores, FSHF-ja është organizatorja e Superkupës së Shqipërisë dhe është e detyruar t’i ndajë në mënyrë të barabartë vendet për tifozëritë në stadium. Organizatorët e ndeshjes i kishin bërë llogaritë gabim me caktimi e vetëm një hyrjeje për tifozët e të dyja skuadrave. Vendësit, më të shumtë në numër, kanë zënë vend më parë, por kur kanë nisur të futen në stadium miqtë, kanë nisur konfrontimet, pasi mbështetasit e kryeqytetasve duhet të kalonin domosdoshmërisht poshtë këmbëve të korçarëve.

Sikurse u pa, drejtuesit e federatës, me në krye sekretarin e përgjithshëm, Eduard Prodani, por edhe me shefin e garave, Ilir Shulku, ia kishin lënë gjithçka në dorë klubit vendës, sa i takon organizimit të Superkupës, ndërsa vetë do të jepnin vetëm trofeun. Por kanë qenë të detyruar të përjetojnë atë situatë kaotike, të turpshme, që njollos pa nisur ende sezonin e ri, e cila bën përgjegjës vetëm ata. Pavarësisht se ndeshja luhej në Korçë. Ndaj pa qenë vonë, pa nisur ende kampionati ri, përgjegjësia s’mund të mbetet “jetime”, por duhet shpërndarë në emra konkretë, nga kreu e deri tek zyrtari më i thjeshtë, që futbolli të na argëtojë, si kudo në botë, jo të na ktehet në makth e rrezik për jetën, si mbrëmë në Korçë.

Dimraj: Na kërcënuan se do të na zbrisnin nga kategoria

Një situatë e tillë, si ajo e mbrëmjes së djeshme në stadiumin e Korçës, është e pashpjegueshme. Edhe drejtuesit e Tiranës e kanë të vështirë ta shpjegojnë se si precipitoi situata. Shefi i klubit bardheblu, Rauf Dimraj, nuk di të thotë me saktësi se si nisi dhuna, megjithatë për Tiranën, veçanërisht për tifozët e saj, që u lanë jashtë stadiumit, shton se kjo ishte një fyerje e rëndë.

“Nuk di me saktësi se çfarë ka ndodhur me tifozët, pasi nuk kam qenë pranë tyre. Dëgjova kryepolicin që kishte përgjegjësi për ruajtjen e rendit në stadium, teksa thoshte se tifozët korçarë nisën të parët t’i godisnin me sende të forta tifozët e Tiranës. Kjo që ka ndodhur është një fyerje e rëndë, që i është bërë Tiranës dhe tifozëve të saj. Nuk mund të them se cilët janë fajtorët, pasi këtë do ta tregojë analizimi i ngjarjeve. Ne na kanë kërcënuar drejtuesit e FSHF-së se do të na zbrisnin nga kategoria nëse nuk pranonim ta luanim këtë ndeshje, pavarësisht asaj që ndodhi për më shumë se 1 orë me tifozët tanë, që nuk u futën dot në stadium. Ky është një turp i madh që i bëhet futbollit shqiptar,” – është shprehur i shokuar në linjë telefonike Dimraj.

Shefi i klubit të Tiranës ka treguar se, pavarësisht ngjarjes së rëndë, ndeshja është luajtur drejt, për fitore nga të dyja palët, jo për publik. Sidoqoftë, gëzimi i fitores së Superkupës së 9-të nga Tirana ka qenë i limituar, për faktin se kanë munguar tifozët bardheblu, ata që nuk kanë mundur dot të ndjekin as 95 minutat e lojës.

Bala vendos ndeshjen, Superkupa bardheblu

Tirana tregon edhe një herë tjetër supremacinë e saj. Edhe pse e dhunuar psikologjikisht, duke mos pasur tifozët e vet bardheblu, skuadra e Tiranës mund Skënderbeun brenda në fushën e këtij të fundit. Një ndeshje e mbushur me incidente, përplasje tifozërish, shtyrje të fillimit të ndeshjes, luftë të fortë sportive në fushë, kartonë të verdhë e të kuq, por në fund ka një fitues dhe është Tirana, që pasi ka marrë Kupën e Shqipërisë, mund kampionin në fuqi, Skënderbeun, që tani duket se do të ketë një tjetër “armik” të betuar këtë sezon, përveç Flamurtarit. 24 herë kampionët e Shqipërisë e nisin kështu sezonin në mënyrën më të mirë të mundshme, po ashtu edhe trajneri spanjoll Hulian Rubio, që në fund ka festuar jo pak me të tijtë. Një gëzim i ligjshëm edhe për presidentin Halili, i cili ka bërë të pamundurën që kjo ndeshje të luhej, paçka se tifozët nuk u futën në stadium. Dhe në fakt presidenti i Tiranës ka meritën që kjo ndeshje përfundoi, duke festuar në fund edhe për trofeun.

Pjesa e parë Ndeshja nis 1 orë me vonesë, në 21:00, pas shumë përpjekjeve për të futur në stadium tifozërinë bardheblu. Kanë hyrë disa tifozë të Tiranës, por pas 8 minutash, ata kanë hedhur tymuese në fushë, aq sa është krijuar një konfuzion jo i vogël. Këta tifozë, të vegjël në numër, dalin nga stadiumi dhe aty ndërpritet ndeshja. Janë dashur 20 minuta të tjera që ndeshja të ristartojë. Por në stadium, pse jo edhe në fushë, sytë mbeten nga shkallët, mos sërish ka përplasje tifozësh. Ndeshja më vonë hyn në rrjedhën e saj. Ka ritëm të saj, por rastet janë sporadike. Korçarët e qarkullojnë më shumë topin, por miqtë janë më të shpejtë në kundërsulm. Megjithatë, mungojnë rastet e pastra për gol. Për t’u përmendur është vetëm rasti i Allmuçës, që vetëm me portierin Lika nuk arrin të shënojë. Në barazim pa gola mbyllet pjesa e parë.

Pjesa e dytë Me një ritëm të kënaqshëm nis edhe pjesa e dytë. Por me kalimin e minutave, ndryshe nga pjesa e parë, Tirana është rritur në lojës e saj dhe është jo pak e rrezikshme. Loja baraspeshohet, madje janë miqtë që janë më të rrezikshmëm në aksionet e tyre. Bala shpesh gjendet i lirë në zonën korçare, madje në një moment është gjendur përballë vetëm me portierin Shehi, por ky i fundit e ka neutralizuar. Atë që nuk e bën në këtë rast, sulmuesi Bekim Bala do ta bëjë pak minuta më vonë, madje në një pozicion më të vështirë. Shkodrani gjuan në kufijtë e zonës së rreptësisë, pavarësisht zgjatjes së portierit Shehi, topi prek shtyllën dhe përfundon në rrjetë. Stadiumi “Skënderbeu” shtanget dhe Tirana merr frenat e lojës.

Trajneri Duro ndërhyn më zëvendësime, fut Grboviçin dhe Bernardon, por dëmtohet Muzaka. Përpjekjet janë dëshpëruese, madje Tirana tregohet sërish më e rrezikshme në kundërsulm, duke humbur dy raste të pastra. Orelesi nga krahu tjetër bëhet nervoz dhe merr karton të kuq. Tirana mbrohet mirë në fund dhe administron edhe 5 minutat shtesë. Mbyllet 1-0 për Tiranën, e cila rikthehet në majën e futbollit shqiptar

Njeriu i bërë përgjegjës nga shumë tifozë për rënien e klubit në Kategorinë e Dytë, u godit me gurë, sende të forta dhe grushta, sulm nga i cili morri plagë të lehta në trup dhe në fytyrë.

Pas denoncimit të bërë në policinë e Tiranës, dy prej tre agresiorëve janë arrestuar, ndërsa një i tretë është shpallur në kërkim. Identiteti i tyre nuk është bërë ende i ditur.

Besohet se sulmi është motivuar nga gjendja e mjerueshme në të cilën është katandisur klubi. Tre agresorët janë pjestarë të grupit të tifozëve fanatikë të Partizanit.

Burimet pranë klubit kuqezi bëjnë me dije se Magani ka kërkuar të largohet për arsye familjare, pasi kërkon t’i përkushtohet më shumë asaj.

Një situatë e ngjashme ka ndodhur edhe në sezonin 2009-2010, kur Magani kërkoi të largohej, por ndërhyrja e kryebashkiakut Gjika bindi trajnerin të qëndrojë në Vlorë. Presidenti Gjika po tenton sërish të bindë trajnerin peqinas të qëndrojë.

Nëse përfundimisht Magani largohet nga Flamurtari, pavarësisht këmbënguljes së presidentit Gjika, atëherë dy opsionet për të drejtuar një skuadër duke qenë pranë familjes janë Besa e Kavajës dhe Shkumbini.

Në kampin peqinas ende nuk ka qartësi për të ardhmen në ekip. Tashmë qarkullojnë vetëm fjalë për presidentin e ri, pasi burime të tjera e zyrtarizojnë Dyrmishin në donatorët e ekipit beratas, Tomori. Kjo situatë kaotike duket se po përçohet edhe tek lojtarët të cilët janë bërë konfuzë me të drejtë dhe nuk po e kuptojnë se cila mund të jetë e ardhmja e tyre. Që prej dy javësh sulmuesi i Shkumbinit, Mustafai ka kaluar të gjitha provat tek ekipi i Pas Janinës dhe ka pritur vetëm OK nga pala e Shkumbinit për t’u bashkuar kampionatit grek. Në një kontakt me të mësojmë se lojtarit vazhdojnë t’i refuzohet dhënia e kartonit. “Kam kaluar me sukses provën me ekipin e Pas Janinës dhe që prej 10 ditësh kam pasur të gatshme një kontratë për ta firmosur atë. Kam ardhur në Peqin dhe kam kontaktuar me shefin e klubit, Isai, por përgjigja ka qenë negative duke më refuzuar dhënien e kartonit. Sado që kemi patur shpresa për ndonjë rregullim të situatës në ekipin tonë të Shkumbinit gjithçka duket e pashpresë. Kjo më ka bërë që të kontaktoj sërish shefin e klubit, por sërisht kam marrë përgjigje negative. Në realitet ndjej keqardhje pasi tashmë jemi në një dilemë të madhe për të ardhmen tonë; Tek Pas Janina më kërkojnë ende dhe më kanë hapur derën. Në rast se situata në ekipin e Shkumbinit do të rregullohej shpejt atëherë mos largimi im do të ishte kuptim i plotë. Por në këtë gjendje mendoj se do të ketë shumë vështirësi në ecurinë e kampionatit, ndaj kërkesa ime ka qenë që drejtuesit të më jepnin leje për të vazhduar në Greqi një tjetër karierë. Shpresoj që gjithçka të marrë zgjidhjen e duhur ku të paktën të përcaktojmë qartë se cila do të jetë e ardhmja jonë këtët sezon”, ka përfunduar Mustafai.

Vila dhe Lila

Dy futbollistët e skuadrës përfaqësuese Andi Lila dhe Emiliano Vila janë futbollistë të Janinës. Të dy lojtarët kanë pasur shumë bisedime gjatë verës dhe në fund kanë vendosur të transferohen në Greqi. Lila ka arritur akordin me Tiranën të shkojë në parametra zero ndërsa Vila ka arritur të bindë Dinamon e Zagrebit të paguajë vlerën e kartonit.

Në miqësoren e luksit të luajtur dje në “Selman Stërmasi” bardheblutë kanë fituar 2 0 ndaj kuqebluve

Tirana – Vllaznia 2-0
Shënues: Pejiç 13′, Tushe 88′

Tirana: Lika, Sina, Silagails, Osmani, Dushku, Gvozdenoviç, Babaj, Karabeci, Zizoviç, Plaku, Pejiç. Trajner: S.Starova. (U aktivizuan: Shinik, Taku, Abazaj, Tushe, Hajdari, Metani, Hallaçi, Malindi).
Vllaznia: Vujdanoviç, Smajli, Rajoviç, Belisha, Kaçi, Jasiç, Djepaxhia, Kukaj, Jumiç, Kraja, Sinani. Trajner: M.Radonjiç (U aktivizuan: Grima, Nimani, Tafa, Danaj, Jovanoviç, Shtubina, Hasani).
Gjyqtarë: E.Dyrmishi, F.Maçi, J.Kruja (Tiranë)
Kartonë të verdhë: Babaj, Gvozdenoviç, Hallaçi, Rajoviç, Djepaxhia

Tirana ka mundur një rivale të drejtpërdrejtë në luftën për titull dhe një prej skuadrave me traditë në kampionatin shqiptar, Vllazninë, në miqësoren e luksit që është zhvillar dje pasdite në stadiumin “Selman Stërmasi”. Të parët që kaluan në avantazh kanë qenë bardheblutë që shënuan me sulmuesin shtatlartë Pero Pejiç pas një pasimi të saktë nga Karabeci. Ndërkohë që fitoren e bardhebluve e vulosi i riu Gerald Tushe, dy minuta para se të mbyllej sfida. I futur në fushë në pjesën e dytë, topin e goditur nga Hajdari, që është përplasur në shtyllë Tusha, që e ka ndjekur aksionin, e ka dërguar në rrjetë. Të dy trajnerët, Starova dhe kolegu i tij malazez Radonjiç, kishin mungesa në përbërjet e tyre, megjithatë janë munduar të aktivizojnë lojtarët e tyre më të mirë.

Testi i djeshëm u ka shërbyer të dy ekipeve për të parë gjendjen në prag të javës së tretë të superligës. Ajo që duhet theksuar është fakti se skuadra e Tiranës ka filluar që të japë “shenja jete”, pas dy javëve jobindëse kampionati dhe këtë e ka treguar në sfidën e djeshme, që edhe pse ka qenë një miqësore, në fushë, sidomos në pjesën e parë, është parë një Tiranë ndryshe nga dy javët e shkuara të kampionatit. Nga katër blerjet e fundit në radhët e bardhebluve, dje kanë luajtur vetëm serbi Gvozdenoviç në krahun e majtë dhe boshnjaku Zizoviç, dy lojtarë shumë të mirë që kanë treguar se janë të nevojshëm për Tiranën këtë sezon. Dyshja ballkanase dje ka dhuruar spektakël, sidomos Zizoviçi, cili është një lojtar me klas dhe ardhja e tij duket se ka mbyllur boshllëqet në mesin e fushës.

Ndërkohë, skuadra e Vllaznisë që këtë sezon u ka dhënë shumë përparësi elementit të ri, dje ka luajtur si e barabartë me Tiranën. Madje në momente të veçanta, në pjesën e dytë, është shfaqur edhe më superiore se kundërshtari, sidomos në goditjet nga distanca, ku kanë spikatur shtylla e Nimanit dhe traversa e të riut Hasani. Ndryshe nga fragmenti i parë, në pjesën e dytë të dy trajnerët aktivizuan të gjithë lojtarët që patën në dispozicion për të parë formën e tyre. Kjo me Vllazninë ishte miqësorje e dytë që u fitua nga bardheblutë, pas asaj me Kamzën me rezultatin 1 0 një javë më parë. Tashmë trajneri Sulejman Starova do të përqendrohet te ndeshja e radhës në kampionat me Bylisin, që do të luhet fundjavën e ardhshme në “Qemal Stafa”, ndërsa Vllaznia do të presë Laçin në “Loro Boriçi”.

Starova, i kënaqur nga skuadra dhe rezultati
Në fund të ndeshjes, trajneri i skuadrës së Tiranës, Sulejman Starova, ka mbetur i kënaqur me skuadrën e tij, që duket se po u rikthehet lojërave të bukura. “Jam i kënaqur nga loja e skuadrës sime dhe nga fitorja. Ishte një ndeshje miqësore, megjithatë fitorja në bën shumë mirë për anën morale, pasi futemi akoma më optimistë në javën e tretë të kampionatit. Pjesa e parë ishte e mirë, në pjesën e dytë, për shkak të shumë ndërrimeve të bëra, ra niveli i lojës, çka është normale. Tashmë do të fillojmë që të mendojmë për ndeshjen e radhës në kampionat me Bylisin,” tha në fund të miqësores së djeshme trajneri i ekipit të Tiranës, Sulejman Starova.

Radonjiç irritohet me gjyqtarin
Në minutën e 80 të ndeshjes, gjatë një faulli të Sinës ndaj Jovanoviçit, që nuk u akordua nga gjyqtari i ndeshjes, Dyrmishi, trajneri i shkodranëve, Radonjiç, nuk i ka përmbajtur nervat. Ai ka vërvitur shishen e ujit që ka pasur aty pranë, e cila nga pankina ka përfunduar në fushë. Kjo ka shkaktuar edhe pakënaqësi te tifozët e ekipit të Tiranës, që nuk e kanë kapërdirë mirë gjestin e pankinës shkodrane.

/sportishqiptar/

Klubi kavajas mund të paguajë 40 milionë lekë të vjetra për të rikhyer tifozët

Dy javë më parë tifozët e Besës u dënuan të mos ndjekin ekipin e tyre të zemrës për 4 javë rresht. Kjo pas vendimit të komisionit të disiplinës për moslejimin e zhvillimit të takimit Besa Skënderbeu. Ndërsa klubi i Besës u dënua me 10 milionë lekë të vjetra gjobë.
Në zbatim të kësaj mase, duke nisur nga kjo javë, ku Besa pret Flamurtarin në shtëpi, shkallët e stadiumit Besa duhet të jenë të boshatisura. Pak ose fare pak nga tifozët, por nëse s’gabojmë, edhe drejtues të klubeve nuk e njohin rregulloren e re që ka hyrë në fuqi këtë sezon. Nga burime të rezervuara pranë, mësojmë se dënimi i fushës pa tifozë mund të konvertohet edhe në vlera monetare, që i afrohen shumës 40 milionë lekë të vjetra. Pra, sqaruar më qartë, Besa, nëse derdh pranë arkës së FSHF-së shumën prej afërsisht 40 milionë lekë të vjetra, tifozët verdhezinj do të mund të ktheheshin në stadium që në sfidën ndaj Flamurtarit. Ky lajm mund të gëzojë pa masë fansat verdhezinj dhe pak më tepër ata të cilët vuajtën plot 72 orë në qelitë e paraburgimit në Tiranë. Të gjithë do të kenë mundësi të shohin përsëri Besën e tyre.

Kur llogarit që Besa do të presë Flamurtarin kryesuses, atëherë dëshira e tifozëve dhe nevoja e ekipit për mbështetjen e tyre bëhet akoma më e madhe. Nuk dihet se ku do të gjenden 40 milionë lekë, kur Bizhdili nga ana e tij do të paguajë gjobën e vet prej 10 milionësh si klub. Ka një zgjidhje deklarojnë këto burime, që për sfidën ndaj Flamurtarit, vetëm për këtë takim, çmimi i biletave të rritet dhe në këtë mënyrë do të kontribuonin në shlyerjen e gjobës edhe tifozët, edhe klubi, ose më saktë Bizhdili. Fundja, janë tifozët verdhezinj ata që e meritojnë të gjithë gjobën. Nëse presidenca e klubi verdhezi gjen modalitetet që t’i kthejë tifozët, mendojmë se, edhe sikur 700 apo 1000 lekë të reja të shkojë çmimi i biletës vetëm për sfidën Besa Flamurtari, ia vlen ta paguash. Kushti i vetëm mbetet nxjerrja e mësimeve nga dënimet e këtej e tutje fusha e stadiumit “Besa” të kthehet në model “fair play”, duke nisur nga Flamurtari. Ky lajm vlen shumë edhe për trajnerin Shpëtim Duro dhe futbollistët e tij. Me tifozët e pranishëm, që në këto kushte besojmë do të mbushin plot stadiumin, fitorja bëhet më e lehtë.

/sportishqiptar/

1Arjan Beqaj Olimpiakos Nicosia
2.Isli Hidi Dinamo Tirana
3.Samir Ujkani Novara Calcio
4.Andi Lila SK Tirana
5.Armend Dallku Vorskla Poltava
6.Kristi Vangjeli Aris Selaniku
7.Ansi Agolli Karabak Azerbaixhan
8Admir Teli Karabak Azerbaixhan
9.Lorik Cana Gallatasaray
10.Endri Vrapi Skenderbeu
11.Debatik Curri Genclebirligi
12.Ervin Bulku Hajduk Split
13.Ervin Skela pa klub
14.Klodian Duro Lask Linz
15.Jahmir Hyka Panionios
16.Gilman Lika Diabarkispor
17.Emilian Vila Dinamo Tirana
18.Gjergj Muzaka Dinamo Tirana
19.Erjon Bogdani Cesena
20.Hamdi Salihi Rapid Vienna
21.Edmond Kapllani Augsburg
22.Elis Bakaj Dinamo Tirana
23.Ahmed Jonuzi Vorskla Poltava