Dëmtohet Kafazi, dy muaj jashtë

Rezultati i ndeshjes ndaj Bylisit ka qenë jo shumë i këndshëm për të gjithë. Por si të mos mjaftonte kjo humbje në radhët e ekipit ka patur një tjetër humbje e cila do të ndikojë në javët në vazhdim. Një përplasje në fushën e lojës i ka shkaktuar mesfushorit të djathtë të Shkumbinit, Ervis Kafazit thyerje të krahut. Nga vizitat më të shpejta mjeksore mësohet se krahu i lojtarit ka patur dy fraktura. Kjo ka bërë që mjekët të vendosin veshje allçiu në krahun e Kafazit dhe të ndalojnë atë për të marrë pjesë në ndeshje për një afat thuajse prej dy muajsh.

Ndonëse në mënyrë të vazhdueshme ka patur një interesim të madh të drejtuesve të Shkumbinit për afrimin e presidentit të ri, ende nuk është arritur konkluzioni që Ismaili të vijë në krye të ekipit, ndonëse ka një mbështetje të madhe edhe nga drejtuesit peqinas. Ismaili ka drejtuar për tre sezone ekipin e Shkumbinit dhe marrëdhëniet korrekte mes palëve, president – lojtarë – drejtues klubi nuk kanë sesi të mos e mirëpresin sërish kthimin e tij në krye të klubit. Sipas burimeve të brendshme të moderatorëve të grupit të fansave peqinas, mësohet se është hedhur ideja e një ftese nëpërmjet një letre, të cilën bordi i “Besnikëve” dëshiron ta nisë në zyrën e presidentit të firmës “Albkonstruksion”, që ky i fundit të jetë në krye të Shkumbinit. Në fillim të javës së ardhshme priten zhvillime të tjera në lidhje me këtë çështje madhore për ecurinë e ekipit. 

Lulzim Resuli

Presidenca peqinase, edhe pse është munduar që ndeshjen hapëse ta zhvillojë në Peqin, ashtu sipas shortit, nuk ka mundur dot, për shkak se tapeti i ri do akoma edhe disa ditë të jetë gati. Por presidenca peqinase ka menduar për tifozët. Me anë të një ftese publike drejtuesit e Shkumbinit ftojnë të gjithë tifozët peqinas të jetë të shumtë në ndeshjes hapëse me Kastriotin, që do të luhet në Tiranë të dielën. Në dispozicion të tifozëve bardhekaltër do të ketë autobusë dhe udhëtimi vajtje-ardhje në Tiranë do të jetë falas. Numri i autobusëve do të jetë sipas kërkesave të tifozëve. Shkumbini, siç dihet, këtë sezon hyn me ambicien më të madhe që ka pasur ndonjëherë ky ekip dhe këtë do ta tregojë që në javën e parë të kampionatit. Vetëm një ditë më parë trajneri Josa tregonte objektivin më minimal, që ishte Europa, por të mos harrojmë që presidenti Ndroqi ka shkuar deri atje, sa kërkon edhe titullin, pa harruar edhe Kupën e Shqipërisë. Të shohim se deri ku do të shkojë ky ekip i ri.

/sportishqiptar/