Papa Diop: Teutën nuk do ta lemë të na sulmojë

Mbrojtësi Diop, një njohës i mirë i kampionatit mendon se shkumbini mund tja dalë kundër Teutës: “Përballja e kësaj jave ndonëse do të jetë një ndeshje në shtëpi paraqet shumë vështirësi. Pasi ekipi i Teutës kryeson superligën dhe kjo nuk është rastësi por një meritë e tyre. Kjo do të bëjë ekipin tonë kundërshtar që edhe në këtë ndeshje të kërkojë një rezultat pozitiv. Por mendoj se do të gjejnë të njëjtin impenjim edhe në krahun tjetër. Edhe për ne kjo ndeshje ka një rëndësi të veçantë pasi është më se e kuptueshme që grumbullimi i pikëve është obligim për ne. Nëse në disa ndeshje kemi bërë një paraqitje të mirë në këto katër javë na mungon fitorja. Ndaj në ndeshjen e radhës ne dëshirojmë që të kthehemi tek ajo”.