Shkumbini vs. Vllaznisë luhet… në Europë

Me katër mungesa të sigurta, dy lojtarë të pezulluar (Mustafaj dhe Mujdragiç) dhe të dy tjërë të dëmtuar (Xhafa dhe Grboviç), Shkumbini do ta nisë fazën e tretë të Kategorisë Superiore ndaj Vllaznisë së Shkodrës në luftën për një vend në zonën europiane. Pas 22 javësh, Shkumbini i vendit të pestë (një pikë pak se Laçi, vendi i katërt) ka krijuar një diferencë prej 4 pikësh ndaj Vllaznisë (vendi i 8-të, 26 pikë), por në përballjet direkte sezonale janë ndarë “jek e jek”. Vllaznia fitoi në fazën e parë 2-0 në “Loro Boriçi” (java 7, dy gola të Bekim Balës), ndërkohë që Shkumbini triumfoi 2-1 ndaj Vllaznisë, falë dy dy golave të realizuara nga dy blerjet dimërore Ferjoz Shënaj e Altin Gërboviç në ndeshjen hapëse të javës së 18-të të Kategorisë Superiore dhe të vitit 2010, në një takim shumë emocionues për të dy trajnerët Daiu e Martini. Të dyja skuadrat e luajtën gjithë pjesën e dytë me nga dhjetë lojtarë, pas ndëshkimit të sulmuesit të Shkumbinit, Erjon Mustafaj dhe qendërmbrojtësit të Vllaznisë, Blaze Rajoviç, Shkumbini vjen në përballjen e tretë sezonale kundër Vllaznisë pas humbjes minimale (1-0) me Skëndërbeun në Korçë, takimi i prapambetur dhe i luajtur ditën e diel, ndërkohë që Vllaznia vjen pas barazimit 1-1 me Gramozin e që prodhoi shumë incidente pas takimit në Ersekë. Presidenti i Vllaznisë, Valter Fushaj, është me kembë në tokë: “Fillimisht duhet të marrim pikë që largohemi nga zona e ftohtë, e pastaj të mendojmë për Europën”. Në fakt, të dyja skuadrat si Shkumbini ashtu dhe Vllaznia, kanë hedhur nga një gjysmëhapi drejt gjysmëfinaleve të Kupës së Shqipërisë, Shkumbini fitoi 2-1 në ndeshjen e parë me Dinamon, ndërsa Vllaznia barazoi pa gola me Skënderbeun në Korçë. BILANCI I SKUADRAVE 41 ndeshje; 15 fitore Shkumbini, 6 barazime, 20 fitore Vllanzia