Tifozët e Partizanit rrahin Albert Xhanin

Presidenti i Partizanit, Albert Xhani, u sulmua ditën e sotme nga tre tifozë të Partizanit, në hyrje të selisë së Federatës Shqiptare të Futbollit.

Njeriu i bërë përgjegjës nga shumë tifozë për rënien e klubit në Kategorinë e Dytë, u godit me gurë, sende të forta dhe grushta, sulm nga i cili morri plagë të lehta në trup dhe në fytyrë.

Pas denoncimit të bërë në policinë e Tiranës, dy prej tre agresiorëve janë arrestuar, ndërsa një i tretë është shpallur në kërkim. Identiteti i tyre nuk është bërë ende i ditur.

Besohet se sulmi është motivuar nga gjendja e mjerueshme në të cilën është katandisur klubi. Tre agresorët janë pjestarë të grupit të tifozëve fanatikë të Partizanit.

Tags: albert xhani, albert xhani rrihet nga tifozet