fatmir-ahmeti
Isaji e pranon: S’bëmë merkato
Shkumbini nuk ka mundur dot të marrë asnjë pikë në dy javët e para të kampionatit, pasi ka humbur me Teutën e Tiranën dhe loja nuk ka qenë në nivelet e duhura. “Trajneri Magani me të drejtë ka kërkuar që skuadra të kompletohej edhe me ndonjë element tjetër cilësor, pasi e shihte të domosdoshme përforcimin e disa pozicioneve, por siç dihet situata në klubin tonë nuk ka ndryshuar dhe aktualisht jemi ende pa president, çka ka bërë që edhe lëvizjet në merkato të ishin të kufizuara
Dy humbje në start, Shkumbini prek fundin
Pas javës së dytë të kampionatit, Shkumbini ka regjistruar dy humbje, duke i bërë një start mjaft zhgënjyes sezonit. Peqinasit e kanë nisur me humbje përballë nënkampionëve të Teutës në fushën e tyre, por pa praninë e sportdashësve.
Devolli, kundër së shkuarës: Kësaj Tirane i marrim pikë
Bledar Devolli rikthehet si kundërshtar ndaj Tiranës, skuadrës ku u shpall kampion tri sezone më parë. Mesfushori gjirokastrit i Shkumbinit, në një bisedë për “Panorama Sport”, shprehet se ky është momenti më i mirë për t’u marrë pikë bardhebluve në transfertë. “Sigurisht, duhet të përfitojmë nga situata që po kalon kundërshtari
Financat, pengesë për merkaton e Shkumbinit
Drejtuesit e Shkumbinit po tregohen aktivë në merkato. Ata janë në bisedime me futbollistët që synojnë t’i afrojnë për këtë sezon, ndonëse emrat e tyre nuk i bëjnë të ditur.
Shkumbini, Magani kërkon dy blerje urgjente
Humbja e pësuar me Teutën në shtëpi ka sjellë reagimin e menjëhershëm të trajnerit Gugash Magani.
Drejtuesit peqinas vendosin t’u besojnë të rinjve
Klubi peqinas edhe për këtë sezon futbollistik duket se do të ndjekë të njëjtën strategji që ndoqi në sezonin e fundit, që është mbështetja dhe dhënia e sa më shumë hapësirave për futbollistët e rinj vendës. Në fakt, gjatë sezonit të fundit peqinasit kanë arritur që me shumë sukses të përballojnë një kampionat të gjatë duke i shpëtuar rënies nga kategoria në fund të sezonit, çka ka bërë që drejtuesit e klubit në bashkëpunim me trajnerin Magani të vijojnë me të njëjtin projekt edhe në këtë sezon. Fakti që Shkumbini është ndër të paktat ekipe që nuk kanë një sponsor- president, e ka detyruar në njëfarë mënyre klubin që të ndjekë një strategji të re, duke u besuar më shumë futbollistëve vendës.
Luhet pa tifozë, por në Peqin zotohen: Ia dalim
Shkumbini e ka mbyllur me fitore ndeshjen e fundit testuese të zhvilluar në transfertë ndaj Ilirisë. Për Maganin, ajo që kishte më shumë rëndësi ishte fakti se ekipi zhvilloi një lojë të mirë e të lirshme. Gjatë kësaj periudhe, numri një i pankinës ka punuar shumë, jo vetëm në aspektin fizik, por edhe në atë psikologjik, duke kërkuar nga të tijtë që të futen në fushën e lojës me grintë e dëshirë për të kërkuar suksesin ndaj çdo kundërshtari
Roland Dervishi: Unë, sërish bomberi i Shkumbinit
Në ndeshjet miqësore që ka zhvilluar Shkumbini është vënë re që reparti i sulmit nuk ka qenë shumë produktiv. Megjithatë, sulmuesi kryesor i bardhekaltërve, Roland Dervishi, kërkon që të qetësojë tifozerinë vendëse, duke premtuar se në kampionat Shkumbini do të paraqitet krejt ndryshe. “Kemi zhvilluar një fazë përgatitore të ngjeshur, e cila na ka shërbyer shumë dhe ajo që ka më tepër rëndësi është fakti që loja e skuadrës është përmirësuar ndjeshëm.
Magani: Me mua askush s’e ka të sigurt vendin
Starti i kampionatit po afron, dhe kjo ka bërë që në Peqin të nisin të mendojnë për ndeshjen e parë, atë ndaj Teutës, të cilën do ta zhvillojnë në fushën e tyre. Jo më kot trajneri i Shkumbinit, Gugash Magani, ka dëshiruar që pjesën më të madhe të takimeve miqësore ta zhvillojë në shtëpi, në mënyrë që futbollistët të ambientohen sa më shumë me fushën dhe, ajo që ka më tepër rëndësi, me lojën e njëri-tjetrit.
Stojkoviç dhe Popoviç, pranë akordit me Shkumbinin
Mbrojtësi serb, Aleksandër Stojkoviç dhe mesfushori malazez, Dushan Popoviç, pritet të jenë blerjet e reja të Shkumbinit. Burime në klubin bardhekaltër tregojnë për “Panorama Sport” se trajnerin Magani e kanë bindur këta dy lojtarë dhe tashmë mbetet vetëm firma e tyre nën kontratë.